「大象轉身」成員 Celia 的故事

2025年4月和8月兩次性罪行法改共學後，倖存者們走在一起，開啟「大象轉身」行動，當時的心情為何？

初頭好震驚，點解性罪行法咁大件事無人講。經過長達20年嘅法改，途中其實社會都唔同咗好多，搞活動嘅時候好想帶到啲新穎但重要嘅概念，其中性/小眾、積極同意同埋童年性侵更係喺社會欠缺討論，喺定三大主題嘅時候更加想做好呢件事，因為參加者都可能係第一次接觸呢類話題。

籌備「倖存者帶路：性罪行法例改革之必要」活動的感想

第一日：我欣賞組員同自己無死死框住咗 panel 內容，保持空間讓講者用自己嘅方法同形式去表達小眾嘅個別體驗，希望日後有機會將內容整合畀到圈外人嚟個「性/小眾面對性暴力101」，提高到大眾嘅 awareness。

第二日：感覺參加者都有一定 awareness，儘管如此，佢哋參加了模擬法庭之後都係有沉甸甸嘅感受，欣賞組員 Moon 為大家做 grounding 練習，讓佢哋返返嚟有返理性聽到最後。

三日活動中特別深刻的片段

對於「卓新力量」（註：心智受障者自我倡導組織）為自己做倡議尤其印象深刻，覺得我哋個平台可以惠及到其他小眾聲音，感到驕傲

「大象轉身」對我的意義

第二個作為倖存者搞的活動，而今次更加是擁抱了台前嘅角色，覺得「倖存者」呢個身份無我想像中咁沉重，今次反而係很好嘅機會，讓外界理解「大象轉身」嘅用心。