「大象轉身」成員 Kelly 的故事

「大象轉身」性暴力倖存者倡議小組

一群性暴力倖存者深知現行制度未能回應創傷，遂組成倡議小組，名為「大象轉身」，寓意逐步開始巨大的改變。

他們自稱「小象」，走在一起籌劃活動，以自身經歷推動社會視角與法律體制的轉變。

「大象轉身」性暴力倖存者倡議小組於2026年1月25日、2月7至8日籌備「倖存者帶路：性罪行法例改革之必要」，活動之後，倖存者寫下感想。

2025年4月和8月兩次性罪行法改共學後，倖存者們走在一起，開啟「大象轉身」行動，當時的心情為何？

當時都係一知半解，但因為過去使用服務同參加活動令我好信任風雨蘭及Anti480嘅同事們，所以就 join！

籌備「倖存者帶路：性罪行法例改革之必要」活動的感想

籌備過程遇到每一位曾經深深受傷，但仍然發光發亮嘅人，印象深刻，包括大家可以好 free 咁討論睇精神科嘅經歷或者對身型嘅影響，我曾經以為呢啲掙扎係一個禁忌嘅話題；另外就係籌備過程中好 feel 到大家嗰種 caring & respect，大家互相接住。

三日活動中特別深刻的片段

了解多咗法律上對性暴力嘅觀點，另外我 feel 到自己「好返」；好多以前我連聽都聽唔到落去嘅嘢，我同大家一齊嗰陣，我有力量去聽、去了解。

「大象轉身」對我的意義

活動中都有一提到網上啲人對性暴力新聞嘅留言係好有惡意。我以前睇到呢啲留言都會即刻跌入地球好危險、人性好醜惡，甚至覺得自己無能力係呢個險惡嘅世界有尊嚴咁去生存⋯⋯等諗法。但因為大象轉身，我見到呢啲唔友善嘅 comment，我好清楚呢啲只係某些人嘅觀點，有一班人一定唔會咁樣去諗嘢，咁樣去睇受害者，淨係呢個認知，已經令我可以勇敢咁存活。

---