「大象轉身」成員 Moon 的故事

「大象轉身」性暴力倖存者倡議小組

一群性暴力倖存者深知現行制度未能回應創傷，遂組成倡議小組，名為「大象轉身」，寓意逐步開始巨大的改變。

他們自稱「小象」，走在一起籌劃活動，以自身經歷推動社會視角與法律體制的轉變。

「大象轉身」性暴力倖存者倡議小組於2026年1月25日、2月7至8日籌備「倖存者帶路：性罪行法例改革之必要」，活動之後，倖存者寫下感想。

2025年4月和8月兩次性罪行法改共學後，倖存者們走在一起，開啟「大象轉身」行動，當時的心情為何？

矇查查，從來唔知道原來香港嘅法例都係咁守舊、咁多事情原來喺21世紀嘅今日都係咁荒謬。但發現原來呢個世界唔係淨係得我覺得需要 pay attention to 法改，同埋有一個空間係從來唔會有 stupid question。

籌備「倖存者帶路：性罪行法例改革之必要」活動的感想

從來都知道性/別小眾、殘疾人士喺法律層面上係小眾當中嘅小眾⋯⋯從來無諗過原來無乜人有 raise out 過需要關注呢個 group；當初都係膽粗粗用好輕鬆嘅語氣講出嚟（因為唔係幾知道其他人會點樣諗或者點樣睇），但到最後真係做到出嚟，覺得原來自己一直嘅堅持都無錯。

另外，做分享者嘅預備過程當中，都係一個機會同自己有啲和解。亦都好肯定雖然自己無選擇法律公義，但係用咗自己嘅方法為自己爭一口氣。出發點都係希望自己過得舒坦自在。

三日活動中特別深刻的片段

真係第一次去咁公開講自己呢段經歷，事前真係好緊張同預備咗好耐⋯⋯心情其實不停咁樣七上八落，但係見到大家對自己分享嘅 feedback 真係好正面，同埋原來我真係帶出咗一啲而家大眾視覺上嘅盲點；覺得好開心，同埋自己呢個選擇好正確。同埋殘疾人士性方面嘅議題，原來從來都無人咁樣討論過⋯⋯希望今次係個好嘅開頭，日後呢個社會可以有更多嘅空間去討論。

「大象轉身」對我的意義

係一個表態：唔希望呢個社會再睇唔到呢一隻房間入面嘅大象⋯⋯同埋呢個過程都係繼續同自己和解。

---