「大象轉身」成員 Saya 的故事

「大象轉身」性暴力倖存者倡議小組

一群性暴力倖存者深知現行制度未能回應創傷，遂組成倡議小組，名為「大象轉身」，寓意逐步開始巨大的改變。

他們自稱「小象」，走在一起籌劃活動，以自身經歷推動社會視角與法律體制的轉變。

「大象轉身」性暴力倖存者倡議小組於2026年1月25日、2月7至8日籌備「倖存者帶路：性罪行法例改革之必要」，活動之後，倖存者寫下感想。

2025年4月和8月兩次性罪行法改共學後，倖存者們走在一起，開啟「大象轉身」行動，當時的心情為何？

記得第一次共學，的確係一頭霧水的，面對一大堆法例，書本，專有名詞⋯⋯當時我嘅感覺係「大象轉身」行動好似與我無關！

籌備「倖存者帶路：性罪行法例改革之必要」活動的感想

在籌備嘅過程，小象們互相補位，每個人按住自己嘅能力、長處擔任唔同嘅崗位！而在團隊裏我感受到許多的接納同埋容許！記得協會倡議同事再三叮囑我哋預備過程可能會好 triggering，好好照顧自己為大前提。我與小象們喺準備嘅過程都會有需要休息、摺埋、返工，或有突發事嘅時候。大家都會非常明白，主動的互相補位。

三日活動中特別深刻的片段

這次有幸得到故事主人翁的同意，給我用形體舞蹈嘅形式去呈現佢嘅故事，多謝小象們及主人翁，喺我信任我自己之前，佢哋先信任我。我一份懷疑用抽象嘅形式係咪真係可以說故事？

藝術係溫柔，善良的。佢會用各人適合嘅方式同環境同人連結！感動喺展覽中有參與者告知我，透過作品，故事被看見被表達了！

「大象轉身」對我的意義

「大象轉身」對我嘅意義係「我有份」。知道雖然好困難，力量好小，但當見到展覽場場滿，社會上仍然有關心尋求改變的人！

---