【懶人包】卡塔爾的性別二三事

卡塔爾的性別二三事

⚽️ #世界盃 係其中一個受各地民眾歡迎既體育盛事，今年男足世界盃舉辦國並唔係一個為香港人熟知既國家，而且係成個籌辦過程入面都有唔同嘅爭議產生。我地亦十分關心當中嘅性別議題，等我哋一齊了解吓呢個全球人均GDP最富有嘅亞洲芳鄰啦！🥅⁣
(最後有彩蛋)⁣

👉🏽 男女地位排行⁣

歐洲工商管理學院曾喺2017年用一個自創嘅指標為122個國家嘅男女地位作評分。當中卡塔爾排行第117，為亞洲中最低排名。

其中一個指標「Politics & Power」更加只有0.093分 (0-1分)，為全球最低，代表卡塔爾嘅男性同女性喺「政治及權力」的分配上嘅差距幾近全球最大，最不平等。⁣

👉🏽 女性日常衣著⁣

女性「衣著暴露」喺卡塔爾係犯法行為，不過卡塔爾官方對球迷嘅指引淨係提到唔可以脫衣同露出紋身。另有媒體引述一名卡塔爾世界盃委員嘅說話，指「輕微違法不會被捕」，但係呢種曖昩說法反而令唔少女性擔心。⁣

為免「誤墮法網」，英國政府甚至向國民發出指引，提醒女性球迷唔好喺卡塔爾露出肩膊。

👉🏽 女性權益⁣

卡塔爾奉行「齊納法」(Zina Law)，具爭議嘅地方包括無將家庭暴力同婚內強姦視為犯罪。當地法例甚至列明妻子要服從丈夫。

當地2月籌備緊世界盃時，就發生一位外籍工作人員報稱被強姦，但反被卡塔爾法院控告佢「婚外性行為」，受害人最終逃回自己國家，但可以睇得出卡塔爾嘅法例對女性極之唔公平，女性喺法律上享受唔到基本嘅權利及保障，所以唔難理解點解女性球迷會對去卡塔爾睇球賽有所憂慮。⁣

👉🏽 LGBTQ+ 權益⁣

根據卡塔爾刑法，男男性行為最高可被判七年監禁。而如果當事人係受伊斯蘭律法規管嘅教徒，甚至有機會被判死刑。⁣

Josh Cavallo身為首位出櫃的職業足球員，佢受訪嘅時候表示代表國家出賽係足球員嘅⁣最高成就，但卡塔爾的政策令佢覺得好悲傷，並需要重新評估，究竟係咪值得冒生命危險去出賽。⁣

🐣 首次出現女性裁判⁣

出乎意料之外，今屆世界盃係首次出現女性裁判，其中3位主裁判分別係盧安達嘅Salima Mukansanga、日本籍嘅山下良美以及法國嘅Stephanie Frappart；另外助理裁判亦有美國嘅Kathyrn Nesbitt 、巴西嘅Neuza Back，同埋墨西哥嘅Karen Diaz Medina。⁣

足球運動暫時仍然被「男性主場」的觀念主導，加上社會文化無特別鼓勵女性參與競爭性運動，客觀環境不利嘅狀況下，熱愛足球嘅女性只能夠默默地努力。我哋除咗要多支持女性足球員／裁判外，更應細心留意吓文化同法制上對女性唔公平嘅狀況，減少影響女性發展嘅障礙。⁣

-　參考資料　-

Gender Progress Index full report 2017⁣
https://bit.ly/3iabFOH⁣

⁣
Lawyers explain 'horrific' reason female fans reporting sexual assault in Qatar could be jailed⁣
https://bit.ly/3V3yZvS⁣

⁣
女球證卡塔爾被姦後被控出軌⁣
https://bit.ly/3gvInJU⁣

⁣
卡塔爾會處死同志？首位出櫃男足球員唔敢去踢世界盃⁣
https://bit.ly/3V3NQ9R⁣

⁣
世界盃／史上首次女裁判執法 FIFA：不受文化宗教限制⁣
https://bit.ly/3GJfggF⁣